Dowladda Ruushka oo qorshe naxdin leh ugu tala gashay maydka askarta uga dhimata Ukraine (Daawo)

0

(Hadalsame) 25 Feb 2022 – Ciidamada Ruushku waxay diyaariyeen agabka maydka lagu gubo oo guurguura oo loogu isticmaali karo asturaadda maydka askarta uga dhimata dagaalka kala dhexeeya Ukraine, wax uu Wasiirka Difaaca ee Ingiriisku ku tilmaamay “mid naxdin leh”.

Muuqaal la faafiyey ayaa muujinaya muuqaalka baabuur lagu rakibay agabka maydka lagu gubo kaasoo “uumibixinaya” hal mayd markiiba, lana arkayay isagoo daba socda kolonyo ciidamada Ruushka ah lana filayo inuu la socdo dhammaan ciidan kasta oo soo gala Ukraine.

Ben Wallace, oo ah Xoghayaha Difaaca UK, ayaa soo jeediyay adeegsiga nidaamkan oo kale uu noqon karo hab Kremlin-ku uu ku daboolo khasaare kasta oo dagaal oo mustaqbalka ah, isagoo ka baqaya inay dib u soo celiso dhaleeceyntii uu dalkiisa kala kulmay markii ugu horreysay ee Ruushku soo galay Ukraine 2014.

Mr Wallace ayaa sheegay in ciidamada Ruushka ee loo diray Ukraine “aan la siinin ixtiraamkii ay mudnaayeen maadaama aan maydkooda loo celin doonin qoysaskooda iyo dadkii jeclaa balse la qarin doono”.

Sawirka ay soo bandhigtay Wasaaradda Gaashaandhigga UK ayaa waxaa ku qoran qoraal sheegaya in agabkani burburin karo wax kasta oo ah haraaga noolaha lagana keenay shirkad St Petersburg ku sugan oo la yiraahdo Tourmaline, kaasoo ka gaabsaday inuu ka jawaabo su’aalo arrintan ku saabsan oo uu waydiiyey The Telegraph.

Hadalsame Media

Facebook Comments