(Hadalsame) 21 Feb 2022 – Washington ayaa aaminsan in ciidamada Ruushku ay hadda diyaar u yihiin in ay ka tallaabaan xudduudda Ukraine oo ay bilaabaan qabsasho dhiig badan ku daato, sida ay warbaahinta Maraykanku ku warrantay, iyada oo soo xiganaysa warar sirdoon oo sheegaya in Moscow ay horayba u siisay saraakiisha sare ee militariga amar ah in ay weerarka qaadaan.
Jimcihii, Madaxweyne Joe Biden ayaa wuxuu ku dhawaaqay inuu rumeysan yahay in dhiggiisa Ruushka, Vladimir Putin, uu “gaaray go’aanka” inuu ku duulo Ukraine, Madaxweyne Xigeenka Kamala Harris iyo Xoghayaha Arrimaha Dibedda Antony Blinken ayaa iyana ku celiyay sheegashadaas Axaddii.
Warqaadyo ay ka mid yihiin CNN iyo New York Times ayaa Axaddii sheegay in sheegashada Biden ay ka dambeeyaan warbixinnada sirdoonka Maraykanka ee sheegaya in Kremlin-ka ay horraanba bixiyeen amaro duullaan ah.
In kasta oo dhowr bilood oo digniino ah ay Moscow qaadi karto weerarka, CBS News ayaa qortay in wakaaladaha sirdoonka Washington ay sii laba jibaarayaan saadaashadooda iyagoo la sheegay inay ogaadeen in “taliyayaasha Ruushka” ee goobta jooga ay heleen amarradooda oo ay sameynayaan “qorsheyaal gaar ah” oo ku saabsan hab-dhaqdhaqaaqyada qaybahooda ee goobta dagaalka. Si kastaba ha ahaatee, warku wuxuu xusay in duullaanku aanu ahayn wax la hubo sababtoo ah Putin wuu bedeli karaa maskaxdiisa.
Wasaaradda Difaaca ee Ingiriiska ayaa iyana daabacday khariidad muujinaysa “duullaalka” Ruushka ee suurtagalka ah ee Ukraine, oo ah nooca cabbirka hore ee loogu talagalay saxaafadda facsharka ah ee tabloids.
Fallaaro gaduudan ayaa ku baratamaya guud ahaan dhulka dalka Ukraine kuwaasoo ay Ingiriisku ku muujiyeen waddooyinka suurtagalka ah ee uu weerarka la sheegay inuu ku dhici karo.
Dhanka kale, Madaxweynaha Ruushka Vladimir Putin ayaa la hadli doona saraakiisha ugu sarreeysa ammaanka dalkiisa, taasoo qayb ka ah kulanka Isniinta, Kremlin-ka ayaa xaqiijisay warkaasi xilli ay sii xumaanayso xiisadda ka taagan xadka Ukraine. Dadka uu la hadli doono waxaa ka mid ah Golaha Ammaanka Qaranka, sida uu sheegay afhayeenka Putin oo ah Dmitry Peskov.
Hadalsame Media
