Hay’adda IMF oo caddaysay inaysan wax miisaaniyad ah siin doonin DF wixii ka dambeeya Maajo (Shuruud cusub)

0

(Muqdisho) 19 Feb 2022 – Madaxa Hay’adda Lacagta Adduunka ee IMF u qaabilsan Soomaaliya ayaa sheegay in barnaamijka muhiimka ah ee ay IMF-tu taageerto ee lagu maalgeliyo mushaaraadka ciidamada iyo adeegyada kale ee muhiimka ah ee Soomaaliya uu dhammaan doono bisha Maajo ee sannadkan oo ay bil qur ihi ka harsan tahay, haddii ay yimaadaan dib-u-dhacyo kale oo ku aaddan doorashada.

Dalka faqriga ah ee Geeska Afrika oo ay dagaallo sokeeye oo daashadey ka socdeen tan iyo 1991-kii, ayaa waxa uu bixinayay biilasha ilaa iyo 2017-kii taasoo ay ugu wacan tahay kaalmada maaliyadeed ee IMF taasoo si tartiib tartiib ah dib ugu dhistay hay’adeheedii tiiyoo ay dagaallo bahalnimo ah ka wadeen kooxo ‘Islaamiyiin ah, ayaa lagu qoray Reuters.

Barnaamijka miisaaniyada saddexda sano ah ee hadda, oo ku kacaya ku dhawaad ​​$ 400 milyan, ayaa qayb ka ah heshiiska lagu dhimayo deynta Soomaaliya oo ka badan $ 5 bilyan oo doollar balse la gaarsiinayo ilaa 10 dalool.

”Laakin barnaamijkani si toos ah ayuu u dhammaanayaa haddii aysan jirin dowlad cusub oo dib u eegisteeda lagala tashado 17ka Maajo, Laura Jaramillo, oo ah madaxa IMF ee Soomaaliya,” ayaa u sheegtay Reuters.

“Waxay saameyn ku yeelan doontaa shaqada dowladda waxayna yeelan kartaa saameyn ballaaran,” ayay tiri, iyada oo tixraacaysa khatarta ah in doorashooyinka dib u dhac ku yimaada doorashada oo ku dhammaan waayaan waqtigaasi lagu cusbooneysiin lahaa heshiiska.

Somalia ayaa waxaa ka taagan xaalad jahawareer ah oo ka dhalatay hoggaan xumada madaxda sare ee DF Somalia, gaar ahaan MW Farmaajo oo xilli xasaasi ahaa tuuray RW hore kaddibna isku dayey muddo kororsi, haatanna uu muran aan dhammaad lahayn ka dhexeeyo isaga iyo RW Rooble

Hadalsame Media

Facebook Comments