(Hadalsame) 01 Feb 2022 – Waddankii ugu horreeyay ee xubin ka ah EU ayaa gebi ahaanba qaaday dhammaan xannibaadaha coronavirus Talaadadan in kasta oo kiisaska Omicron ay sare u kaceen.
Dawladda Denmark ayaa waxay aaminsan tahay in talaalka baaxadda leh ee ay waddo oo keliya uu u oggolaanayo inay la tacaasho fayraskan aadka u faafa, balse saamayn ahaan sahlan.
Laga bilaabo Febraayo 1 oo maanta ah, dalkan Scandinavian-ka ihi wuxuu joojiyay ku qeexitaanka Covid-19 inuu yahay “cudur bulsheed halis ah,” gafuur-saabkii baasaboorkii Covid-19 waa la laalay gebi ahaanba.
Waxaa meesha laga saaray xaddidaadda kulamada gudaha, iyadoo maqaayadaha iyo baararka ay ku soo noqdeen saacadahoodii shaqo ee caadiga ahaa. Naadiyada cawayska ayaa sidoo kale dib loo furayaa guud ahaan Danmark Talaadada danbe.
“Dhoola cadeyntii ayaannu mar kale heli karnaa,” ayay tiri Ra’iisel Wasaaraha Denmark, Mette Frederiksen, iyadoo ku dhawaaqday ku soo laabashada “nolosha sidii aan u naqaannay kahor corona.”
Waa dabcan waddankii ugu horreeyay ee Yurub ah oo tillaabadan qaada iyadoo ay yaab tahay in kiisasku aad ugu kordhayaan dalkan oo 5.8 milyan ahna maalintii laga diiwaan geliyo 40,000 ilaa 50,000 oo ah infekshannada cusub ee ‘Covid-19’.
Yeelkeede, in ka badan 60% dadka Danish-ka ah ama ku nool ayaa hore u qaatay tallaalka xoojiyaha ah ee saddexaad, taasoo ka sarraysa marka la barbar dhigo celceliska dalalka kale ee EU oo ka iminka hooseeya 45%.
Hadalsame Media
