(Kabul) 07 Sebt 2021 – Wararkii ugu dambeeyey ee ka imanaya Dooxada Panjshir Valley ayaa sheegaya in dagaalka ay Daalibaanku halkaa kula wareegeen ay ku jireen gacmo kale.
Ciidamada Cirka Pakistan oo adeegsanaya daroonno ayaa la sheegayaa inay duqeeyeen Gobolka Panjshir, si ay Daalibaanka u siiyaan taageero cireed.
Waxaa eeddaa jeediyey Xildhibaankii hore ee Samangan, Md Zia Arianjad, kaasoo u sheegay Aamaj News in daroonnada is wada ee Pakistani ay cirka ka duqeeyeen Panjshir, iyagoo weliba adeegsanaya bambooyinka casriga ah ee loo yaqaan ”smart bombs.”
Fahim Dashty, oo ahaa Afhayeenkii kooxdii RFS ee halkaa ka dagaallamaysey ayaa dagaalka ku dhintay, halka la la’yahay Saalax iyo Mascuud, taasoo jug niyadeed oo culus u gaysatey kooxdii halkaa isku urursanaysey.
(Hadalsame) 01 Dis 2023 – Xoghayihii hore ee Arrimaha Dibedda ee Maraykanka, Henry Kissinger, oo kaalin mug leh ku lahaa siyaasadda arrimaha dibadda xilligii...