AC Milan & Real Madrid oo ka heshiiyey Brahim Diaz & shuruudo cusub (3 laacib oo kale oo ay Milan ka doonayso Real)

0
Ac Milan - Cagliari Calcio Brahim Diaz of Ac Milan in action during the Serie A match between Ac Milan and Cagliari Calcio. Milano Stadio Giuseppe Meazza Italy Copyright: xMarcoxCanonierox

(Milano) 28 Juun 2021 – Real Madrid ayaa ogolaatay in ay Brahim Diaz sanad kale amaahiso kooxda AC Milan oo hadda xaq u leh inay laacibka iibsato halkii uu awal ka ahaa amaah qallalan, sida uu sheegayo Fabrizio Romano.

Kooxda Real ayaa doonaysey inay heshiiska dhex geliso shuruud ah in Milan waajib lagaga dhigo iibsiga laacibka, balse waxay lagu heshiiyey in middaa iktiyaari laga dhigo iyadoo ay Milan bixinayso 20-25m oo euro.

Real Madrid ayaa se heshiiska dhex gelisey shuruud kale oo dhigaysa inay dib u iibsan karto laacibka haddii ay u baahato iyadoo bixinaysa 30-31 milyan oo euro.

Brahim Diaz ayaa sanadkii uu Milan joogey muujiyey inuu yahay laacib farsamo, isagoo weliba kooxda muhim u ahaa kulamadii ugu dambeeyey horyaalka ee lagu xaqiijinayey usoo bixitaanka CL ee kooxda Milan.

Sida uu qorayo La Gazzetta dello Sport, AC Milan iyo Real Madrid ayaa kasii wada hadli doona heshiisyo kale, iyadoo ay Milan doonayso laacibiinta Blancos, sida Luka Jovic, Dani Ceballos iyo Alvaro Odriozola

Hadalsame Media

 

Facebook Comments