(Nairobi) 15 Dis 2020 – Madaxweynaha Somaliland ee Muuse Biixi Cabdi ayaa sheegay inuusan raalli ka noqon doonin in loo adeegsado dalka Somalia.
Biixi ayaa booqasho 3 maalmood ah haatan ku jooga Nairobi isagoo lagu wado inuu la kulmo madaxda dalkaasi Kenya oo uu ku jiro MW Kenya, Ahuru Kenyatta.
”Waxa labada dal [Kenya iyo Somalia] ka dhaxeeya haddii ay dhexgal waayeelnimo naga codsadaan, waynu kala dhex galeynaa, in aan xallino iyaga oo wada socda, haddii uu dal qur ihi naga codsadana dhex geli meyno. Middaa Kenya-na, noo quuri meyso kana aqbali meyno, annaguna ma nihin dad loo adeegsado dad kale.” Ayuu ballan qaaday Md Biixi.
MW Muuse Biixi ayaa u muuqda nin ka jawaabaya guuxa dadwaynaha ee ah in Somaliland aysan lahayn qorshe siyaasadeed oo moowduuci ah, balse ay hadba u ordaan dalkii ay Somalia is qabtaan, iyagoo sidan oo kale Nairobi tegey mar ay beri dhowayd kacsanayd xaaladda Somalia iyo Kenya oo u haliilaysa dhul Soomaaliyeed, taasoo berri kusoo noqon karta isla Somaliland lafteeda.
Hadalsame Media
