(Baku) 04 Okt 2020 – Dagaal culus ayaa maanta oo Axad ah kasii socdey meelaha ay isku hayaan Ciidamada Azerbaijan iyo kuwa Armenia ee gobolka Nagorno-Karabakh.
Baku ayaa sheegtay in Yerevan ay duqaysay magaalada 2-aad ee ugu ballaaran Azerbaijan oo ay gantaalo la dhaceen, iyadoo wax gaareen goobo rayidku ku badan yahay.
Dhanka kale, magaalada Stepanakert, oo ah midda ugu wayn Nagorno-Karabakh oo ay deggan yihiin 55,000 qof ayaa mar qura la maqlay wiishka qayladhaanta, kaddib markii ay si xun u duqeeyeen Ciidanka Azerbaijan.
Wasaaradda Gaashaandhigga Armenia ayaa soo bandhigtay gawaari gubanaysa iyo firir jidadka yaalla, iyadoo sheegtay inay dad ay rayid ku jiraan wax ku gaareen.
Ciidanka Nagorno-Karabakh ee Armenia ayaa wacad ku maray inay aarsan doonaan, iyagoo dadka rayidka ah ee deggan magaalooyinka Azerbaijan u sheegay inay ka qaxaan, waxaana la sheegayaa in la duqeeyey saldhig cireed ku yaalla magaalada Ganja, oo ah caasimadda 2-aad ee Azerbaijan.
Results of Armenia’s massive missile attacks against dense residential areas in Ganja city. Azerbaijan retains its right to take adequate measures against legitimate military targets to defend civilians and enforce Armenia to peace. 4 new missile just hit Ganja. pic.twitter.com/GInYCJyJc6
— Hikmet Hajiyev (@HikmetHajiyev) October 4, 2020
Hadalsame Media
