Facebook oo dalal ay Somalia ka mid tahay ka fulinaya mashruuc wax aad u badan ka bedeli doona xawaaraha Internet-ka (Goorta lasoo afjarayo)

0

(Menlo Park, CA) 19 Maajo 2020 – Facebook ayaa ku dhawaaqay qorshe lagu dhigayo kaybal dhererkiisu yahay 23,000-mayl oo lagu wareejinayo xeebaha Afrika, si ay internet xawaarihiisu aad u sarreeyo u helaan 1.3 bilyan oo qaaraddan ku nool.

Mashruucan oo la yiraahdo 2Africa, ayaa 3 laabaya mugga iyo awoodda shabakadeed ee qaaradda Afrika, marka la dhamaystiro 2024-ka, iyadoo iminka dhigistiisa durba la wado.

Kaybalkan oo uu dhererkiisu la egyahay midka guud ahaan dhulka, ayaa wuxuu khad internet oo rakhiis ah isla markaana aad u dheereeya siin doonaa 23 dal oo ay ku jiraan Ghana, Ivory Coast, Gabon, Somalia, Madagascar, Saudi Arabia iyo Sudan.

Internet-ka ayaa ka mid ah kaabayaasha ugu muhiimsan horumarka iyo howl-maalmeedka caalamka, iyada oo ay dalalka qaar ka dhigeen xuquuq ay insaanku ugu baahan yihiin sida biyaha iyo raashinka, waana mid ay weli ku liidato qaaradda Afrika.

Hadalsame Media

 

Facebook Comments