”Waa noo diideen!” – Kenya oo sheegtay in ciidamada Itoobiya ay u diideen inay tagaan goobta shilka

0

(Nairobi) 06 Maajo 2020 – Ciidamada Itoobiya ayaa la sheegay inay Kenya u diideen inay galaangal u yeelato goobta shilka ee ay ku dhacday dayuuradda African Express oo ay ku dhinteen 6 qof oo saarnaa oo ay 4 Kenyan ahaayeen.

Dayuuraddan oo ahayd noocyada fudud ee xamuulka qaada ayaa Kenya uga diiwan gashanayd 5Y-AXO waxaana la sheegay inay gantaal ku dhufteen ciidamada Itoobiya.

“Faahfaahin ma bixin karo balse ciidamada Kenya waa loo diidey inay tagaan goobta shilka,” ayuu sarkaal sare oo Kenyan ihi u sheegay The Star.

“Waxaa sidoo kale meesha jooga Al Shabaab marka ma doonayno inaan sheegno halka saxda ah ee aannu ka joogno, ilaa baaritaanku dhamaado.” ayuu daba dhigay.

 

Hadalsame Media

Facebook Comments