XOG: DF oo qarinaysa Wasiir uu ku dhacay Covid-19 & qofkii ugu horreeyey oo Muqdisho ugu dhintay

0

(Muqdisho) 07 Abriil 2020 – Wararka aannu ka heleeyno magaalada Muqdisho ayaa sheegaya in ay DF qariineeyso Wasiir ka tirsan Maamul-goboleedka Hir-Shabeelle oo xalay saqdii dhexe uu kusoo boodey caabuqa corona.

Warar aan weli la xaqiijin karin oo aanu ka heleeyno ilo muhim ah ayaa sheegaya  in Wasiirkan la dhigay Isbitaalka Digfeer oo leh ogsijiin wale casri ah, si neef loo siiyo.

Dhanka kale, waxaa soo baxaya warar sheegaya inuu Muqdisho ku dhintay qofkii ugu horreeyey ee qaba Covid-19.

Ninkan oo ay sheekadiisu dheer tahay ayaa markii hore la geeyey Isbitaalka Digfeer, balse waxaa soo celiyey maamulka Isbitaalka, sida uu warku nagusoo gaarey.

Ninka ayaa deeto la dhigay isbitaal gaar ah oo Muqdisho ku yaaalla, halkaasoo uu ku xanuunsanayey dhowr maalmood, kahor intii aanu dhimanin maanta.

Hadalsame Media

Facebook Comments