(Stockholm) 25 Feb 2020 – Aabbayaal ku nool magaalada Göteborg oo dhowaan kulan ka yeeshay falalka denbiyada dhallinyarada ku soo baddanaya ayaa go’aansaday in sida kaliya ee carruurta denbiyada looga badbaadin karo ay tahay inuu aabbuhu guto xilkiisa waalidnimo.
Maxamed Ibraahim Xirsi ayaa dareensan iney muuqato inaanu aabbuhu u guddan xilkiisa sidii looga baahnaa
………………………………………………………………….
Dowladda Shiinaha ayaa sheegtay in aanay Gui Minhai u aqoonsanayn muwaadin Swedish ah, balse ay u taqaan oo qura nin Chinese ah, kaddib war rasmi ah oo kazoo baxay caasimadda Beijing.
Warkan oo uu akhrinayey afhayeenka Wasaarad Dibadeedka Shiinaha,Zhao Lijian ayaa sheegay inaanay ka jawaabaynin hadalka Wasiir Dibadeedka Sweden ee Ann Linde.
Ma jirto faahfaahin madax bannaan oo qayaxaysa sababta uu Minhai kaga tanaasuley dhalashada Sweden oo uu haysten muddo 20 sanadood ah.
………………………………………………………………….
Hay’adda caafimaadka ugu qaybsan Sweden ee Folkhälsomyndigheten ayaa ku dhawaaqday in iminka ay sii badanayso ka iman karta halista kiisaska cusub ee dadka dibedaha kasoo qaaday cudurka coronavirus.
Qiimayntan cusub ayaa ka dhigan inay halistu korodhay, balse suurtagalnimada guud ee ah inuu cudurkani ku wada faafo dalka Sweden ayaa weli hooseeysa, waloow ay weli Sweden u furan tahay dalal ka mid ah kuwa uu cudurku ku dhuftay.
………………………………………………………………….
Hay’adda Waxbarashada Sweden ee Skolverket ayaa manta soo bandhigtay qorshe cusub oo ay macallimiinta aan haysan shahaadooyinka rasmihga ihi ay uga qayb qaadan karaan wax ka dhigidda iskuullada.
Peter Fredriksson, Maareeyaha Guud ee Skolverket ayaa tusmeeyay inay jiraan ilaa 6 aag oo ay ka shaqayn karaan kaaliyeyaasha macallin sida
- Shaqooyinka ku xiran waxbarashada
- Maareeynta agabyada waxbarashada
- Arrimaha la xiriira IT-ga
- Kaalmayn aqooneed ama Macallinnimada gaarka ah
- Iyo howlo dheeraad ah oo baahida ku xiran.
Hadalsame Media
