(Washington, DC) 14 Luulyo 2019 – Madaxwaynaha Maraykanka ee Donald Trump oo aad ugu falan adeegsiga Twitter-ka ayaa weerar ku qaaday xubno ka tirsan Xisbiga Dimoqraadiga kuwaasoo uu u sheegay inay ku laabtaan “dalalkooda ay dembiyadu la degeen” ee ay asal ahaanta kasoo jeedaan.
“Waxaa xiisa leh in ‘isbeddel doonka’ Dimoqraadiga ugu jira Koongarayska, oo asal ahaan kasoo jeeda dalal ay dowladohoodu yihiin kuwa gebi ahaanba musiibo ah, ugu liita, uguna musuq badan meel kastoo caalamka ah (haddiiba ay dowlad shaqaynaysa leeyihiin), ay haatan cod dheer noogu sheegayaan sida ay tahay in loo maamulo Marayanka oo ah dalka ugu wayn uguna xooggan caalamka,” ayuu Madaxwyanuhu ku qoray tweet-kiisa.
“Maxay ugu noqon la’yihiin oo gacan uga gaysan la’yihiin furdaaminta meelaha gebi ahaanba burbursan ee ay dembiyadu la degeen ee ay ka yimaadeen,” ayuu qoray isagoo sii wada.
Trump ayaa tweet-kan la sheegay inuu ku maagayo gabdhaha isbeddel doonka ah ee loo yaqaanno Kooxda ama ”The Squad” oo kala ah: gabadha New York metesha ee Alexandria Ocasio-Cortez, tan Michigan ee Rashida Tlaib, gabadha Soomaaliyeed ee Minnesota laga soo doortay ee Ilhan Omar oo u muuqata qofka warka intiisa badani ku socdo maadaama ay tahay qofka qura ee ka timid dal dibedda ah halka ay inta kale ku dhasheen gudaha Maraykanka iyo marka la eego qaabka uu warku u qoran yahay iyo sifaadka ku jira, iyo midda Massachusetts ee Ayanna Pressley oo aanu midkoodna caddaan ahayn.
….and viciously telling the people of the United States, the greatest and most powerful Nation on earth, how our government is to be run. Why don’t they go back and help fix the totally broken and crime infested places from which they came. Then come back and show us how….
— Donald J. Trump (@realDonaldTrump) July 14, 2019
Hadalsame Media
