(London) 09 Luulyo 2019 – Wasiir Dibadeedka Britain Jeremy Hunt ayaa weerar ku qaaday MW Maraykanka ee Donald Trump isagoo dhaliisha shaaca ah ee uu u jeediyay ku tilmaamay “mid khaldan oo xushmad darro ah.”
MW Maraykanka ilaa ilaa habeenkii xalay ahaa ilaa maanta wuxuu soo qorayay tweets silsilad ah, isagoo midkood Danjire Kim Darroch ku tilmaamay “jaajaale” iyo “nacas” kaddib markii la faafiyay kayballo uu Danjiraha Britain ku dhaliilayo Trump kaasoo uu faafiyay Daily Mail.
Trump ayaan ku ekaanin eedaynta Danjiraha, balse wuxuu sidoo kale weerar ku qaaday RW Theresa May, isagoo qaabka ay u maaraysay Brexit ku tilmaamay “musiibo!”
Hunt, oo haatan u tartamaya inuu bedelo May, oo xilka ka degeysa ayaa weliba sheegay inuu Danjire sii ahaan doono Darroch haddii uu qabto xilka ugu sarreeya dalka Britain, isagoo warka Trump ku tilmaamay munaafaqad, maadaama ay diblomaasiyiintiisuba ay dadka kale maagaan.
1/2 @realDonaldTrump friends speak frankly so I will: these comments are disrespectful and wrong to our Prime Minister and my country. Your diplomats give their private opinions to @SecPompeo and so do ours! You said the UK/US alliance was the greatest in history and I agree… https://t.co/hNeBWmyyVN
— Jeremy Hunt (@Jeremy_Hunt) July 9, 2019
2/2…but allies need to treat each other with respect as @theresa_may has always done with you. Ambassadors are appointed by the UK government and if I become PM our Ambassador stays.
— Jeremy Hunt (@Jeremy_Hunt) July 9, 2019
Hadalsame Media
