(Garoowe) 04 Maajo 2019 – Maanta ayaa lagu wadaa in magaalada Garoowe uu si rasmi ah ugu furmo shirka ay wada yeelanayaan madaxd Dowladda Federaalka iyo kuwo maamul goboleedyada.
Madaxwaynaha Dowladda Federaalka Maxamed Cabdullaahi Farmaajo ayaa ku biiraya maanta xubnaha Dowladda ee gaaray shalay magaalada Garoowe ee xarunta maamulka Puntland.
Shirkan ayaa looga hadlayaa xaalada guud ee dalka si gaar ah soo afjarida Khilaafka Dowladda iyo maamul goboleedyada.
Waxa hore u gaaray magaalada Garoowe Ra’iisulwasaaraha xukuumada Federaalka Xasan Cali Khayre iyo inta badan Hoggaamiyaasha maamul goboleedyada.
Shirkan uu todobaadkii hore waxa ku baaqey madaxweynaha Puntland Saciid Cabdullaahi Deni waxaa aqbalay dhamaan qeybaha ay khuseyso.
Lama oga waxa uu shirkani soo kordhin doono iyadoo ay soo noqnoqonayso in waxyaabo yar yar khilaaf laga abuuro kaddibna uu dalka gaaro dib u dhac sii dhantaalaya danaha shacbiga.
Hadalsame Media
