(Muqdisho) 28 Abriil 2019 – Magaalada Muqdisho waxa ka furmaya maalinta berri oo ku beegan Isniin, 29-ka Abriil, shir looga hadlayo Bedqabka Fikirka iyo la Dagaallanka Xagjirnimada.
Waxa soo qaban qaabiyay shirkan xukuumadda Federaalka Soomaaliya , waxana gacan ka gaysanaya Ururka iskaashiga Islaamka OIC.
Wakiillo ka socda 12 Dowladood, ururro caalami ah iyo aqoonayanno ayaa qayb ka ah madaxda xaadiri doonta shirkan.
Inta uu socdo shirka waxa hadallo ka jeedin doona khubaro xagjirnimada wax badan ka yaqaana ama ka dersa iyo aqoonyahanno.
Dhowaan magaalada Muqdisho waxa ku soo dhamaaday shir looga hadlayay xagjirinimada kaas oo ay soo qaban qaabiyeen Culuma’udiinka Soomaaliyeed.
Hadalsame Media
