Xildhibaan Idiris Cabdi Dhakhtar oo ka mid ah Xildhibaanada Baaralamanka dhexe ee Soomaaliya ayaa sababtii uu maanta Golaha Shacabku kooram la’aanta u noqday ku tilmaamay ”qayrul mas’uulnimo.”
Dhakhtar ayaa sheegay in xubnaha ka baaqday kulankii maanta ay aadeen xafladda daah-furka Xisbiga Himilo Qaran ee uu hoggaamiyo Madaxweynihii hore ee Soomaaliya, Sheekh Shariif, taasoo uu ku sheegay inay dan gaar u baajiyeen dantii guud ee ay umadda ugu shaqaalaysnaayeen mushaarkana ku qaadanayeen.
”Inuu baaqdo waxaa sabab u ah xildhibaannada aadey xafladda Sheekh Shariif uu ku furayo xisbigiisa.” ayuu yiri xildhibaan Dhakhtar.
Baarlamanka Dhexe ayaa maanta iskugu iman lahaa akhrinta 2-aad ee hindise sharciyeedka ganacsiga Somalia oo ahaa ajende muhim ah.
Hadalsame Media
