(Muqdisho) 17 Abriil 2019 – Xildhibaanada Golaha shacabka ayaa maanta oo arbaca ah warbixin ka dhagaysan doona guddiga madax banaan ee doorashooyinka Qaranka.
Guddoomiyaha Guddigaas Xaliimo Ismaaciil Yarey ayaa hortagi doonta mudanayaasha Barlamaanka si warbixin ku saabsan arrimaha gudiga ay u siiso Golaha.
Sidoo kale mudanayaasha Golaha shacabka ayaa dhageysan doona isla maanta aqrinta kowaad sharciga wax ka bedelka furdooyinka.
Mudanayaal ka tirsan Golaha shacabka oo warbaahinta la hadlay ayaa sheegay in labada ajande ay muhiim u yihiin shacabka Soomaaliyeed.
Si kasta Golaha shacabka waxa horyaala meel marinta sharciyo dhawr ah oo loo baahan yahay in kalfadhigaan shanaad ay ku dhameeyaan sida uu hore u sheegay Guddoomiye Mursal.
Hadalsame Media
