(King Williams) 16 Abriil 2019 – Laba maalin gudohood dalka Koonfur Afrika waxa dilal loogu gaystay muwadiniin Soomaaliyeed kuwaas oo ka mid ahaa ganacsatada hantida ku leh dalka Koonfur Afrika.
Xalay Magaalada King Willaims oo hoos tagta Eastern Cape ee Koonfur Afrika waxa lagu dilay Ganacsade Mukhtaar Cumar oo ka mid ah dhallinyarada u ganacsi tegey dalkaasi.
Hanti u tiilay goobtiisa ganacsiga ayaa la sheegay in burcadii weerarkan gaystay ay ka qaateen goobtii ganacsi ee uu lahaa Ganacsadaha Soomaaliyeed ee la dilay.
Habeen ka hor waxa dalkaas Koonfur Afrika lagu dilay Ganacsade Nuur Dheere halka mid kale lagu dhaawacay sida ay sheegeen dad halkaas ku sugan.
Dalka Koonfur Afrika waxa taagan, dhibaatooyin dhanka amaanka ah oo ay wajahayaan muwaadiniinta Soomaaliyeed ee ganacsiga ku leh magaalooyinka Dalkaas.
Hadalsame Media