(Paris) 10 Nof 2018 – Madaxwaynaha Maraykanka ee Donald Trump ayaa weerar ku qaaday soo jeedin ka timi dhiggiisa Faransiiska Emmanuel Macron, kaasoo maalin dhowayd sheegay in loo baahan yahay inay Yurub samaysato ‘Ciidamo rasmi ah oo Yurubiyaan ah,’ oo ka madax bannaan Washington.
Trump ayaa sidii lagu yaqaanney kiiskaa la tegey Twitter-ka isagoo soo qoray: “Madaxwayne Macron-ka France wuxuu soo jeediyay in ay Yurub dhisato ciidamo ay iyadu leedahay si ay uga ilaaliyaan Maraykanka, Shiinaha iyo Ruushka. Taasoo waa gef wayn, balse Yurub horta ha bixiso qaybteeda NATO, oo uu Maraykanku aad u kabo!”.
President Macron of France has just suggested that Europe build its own military in order to protect itself from the U.S., China and Russia. Very insulting, but perhaps Europe should first pay its fair share of NATO, which the U.S. subsidizes greatly!
— Donald J. Trump (@realDonaldTrump) 9 november 2018
Trump ayaa tixraacayay waraysi uu Macron dhowaan siiyay idaacadda Europe 1 radio, kaasoo uu Macro ku yiri: “Waa inaannu iska ilaalinnaa dalalka China, Russia iyo xitaa Maraykanka.”
NATO countries must pay MORE, the United States must pay LESS. Very Unfair!
— Donald J. Trump (@realDonaldTrump) 10 juli 2018
Hadalsame Media
