(Delhi) 19 Luulyo 2018 – Dalka Hindiya waxaa xabsiga la dhigay wadaad Muslim ah kaddib markii ay isu gacan qaadeen haweenay gayfane ah oo u dhaqdhaqaaqda xuquuqda madaniga ah, mar ay TV uga doodayeen sida ay Shareecada Islaamku u maareeyso furriinka iyo xuquuqaha haweenka.
Wadaadkan Hindiga ah oo lagu magacaabo Mufti Ejaz Arshad Qasmi, ayaa xabsiga la dhigay kaddib markii uu ashtako ka gudbiyay Zee Hindustan, iyadoo ay kaamiradu qabatay isagoo dhirbaaxaya Farah Faiz, oo ah sharci yaqaanad u doodda haweenka, jeer uu barnaamijku TOOS ahaa.
Sheekada ayaa faraha ka baxday kaddib markii la isku mari waayay kiis la xiriira dalaaqada 3-da ah oo 3 jeer lagu dhawaaqayo sida warka loo dhigay, iyadoo ay Faiz ku doodaysay inaysan Qur’aanka ku jirin, kaddibna waxaa xigtey inay is fara saaraan.
#BatanaToPadega में बहस के दौरान एजाज अरशद काजमी ने फराह फैज पर हाथ उठाया, @Zee_Hindustan इसके सख्त खिलाफ है और हम इसकी निंदा करते हैं. pic.twitter.com/hJ2ZCiFAwx
— ZEE HINDUSTAN (@Zee_Hindustan) 17 juli 2018
Sida ka muuqata muuqaalka Zee Hindustan, Faiz iyada ayaa gacanta la horreeysey, kaddibna waxaa jawaabey wadaadka oo dharbaaxay, iyadoo uu dood qaybiyihii ku guuldarraystay inuu xaaladda xasiliyo.
Zee Hindustan ayaa Twitter kusoo bandhigay muuqaal kale oo muujinaya Qaasmi oo sida ay sheegeen caayaya gayfane kale oo la yiraahdo Amber Zaidi, taasoo la arkayo iyadoo ooyin la dhacaysa.
#BatanaToPadega शो के शुरुआत में ही मौलाना मुफ्ती एजाज अरशद कासमी ने अंबर जैदी से बदसूलकी की थी, फिर फराह फैज के साथ मारपीट की. #MaulanaSlapsWoman pic.twitter.com/8BbcadxeNs
— ZEE HINDUSTAN (@Zee_Hindustan) 17 juli 2018
Khalid Rasheed Firangi Mahali, oo ah imaamka masjidka magaalada woqooyiga ku taalla ee Lucknow, ayaa dowladda ugu baaqay in gebi ahaanba la joojiyo doodaha noocan ah oo diinta la xiriirta, maaddaama ay dhaawacayaan buu yiri dareenka Muslimiinta.
Hadalsame Media