”Waxaad mari doontaa jidkii Escobar” – Laacibkii Colombia rigoorada ku keenay oo dil loogu hanjabey!

0

(Bogota) 22 Juun 2018 – Taageerayaashu aalaaba waa qaraaraan marka uu laacib rigoore ka cuno, rooso bilaash ah qaato ama kooxdooda laga badiyo, waxayna taasi ku dhacday laacibka khadka dhexe ee Carlos Sanchez, kaasoo roose qaatay ciyaartii Colombia oo uu isagu rigoore ku keenay, taasoo 2-1 looga badiyay.


 Yeelkeede, 32-jirka intaa oo qura loogama harine waa la daba dhigtay, xitaa waxaa soo gaarey hanjabaado ku aaddan in la khaarajin doono sida laacibkii Andres Escobar, oo ahaa laacib Colombian ah oo la toogtey kaddib markii uu gool otoreeto ah iska dhaliyay kulankii ay Maraykanku reebayeen Colombia KA1994-kii.

Sida ay sheegayso idaacadda Blu Radio, hay’adaha dhaqan gelinta sharciga ayaa imin baaritaan ku wada isha hanjabaaddan, iyagoo xitaa kaashanaya booliiska caalamiga ah ee Interpol si loo helo koontada lasoo dhigay hanjabaadda dilka ah ee laacibka, iyadoo uu qoraalku u dhignaa sidatan: ”Waxaan ku dambayn doontaa sidii Escobar”.

Colombia’s midfielder Carlos Sanchez leaves the pitch after receiving a red card during the Russia 2018 World Cup Group H football match between Colombia and Japan at the Mordovia Arena in Saransk on June 19, 2018. (Photo by Mladen ANTONOV / AFP) / RESTRICTED TO EDITORIAL USE – NO MOBILE PUSH ALERTS/DOWNLOADS (Photo credit should read MLADEN ANTONOV/AFP/Getty Images)

Hadalsame Media

Facebook Comments