Libaaxu wuxuu Deerada uga lib helaa Laba-Labaynteeda (Sheeko xikmad wayn xambaarsan)

0

(Hadalsame) 16 Juun 2018 – Xawaaraha Xayawaanka Deerada ama Coowsha la yiraahdo wuxuu gaarayaa Sagaashan kiilomitir Saacaddiiba (90km/h). Halka Xawaaraha Libaaxuna gaarayo 58-kiilomitir Saacaddiiba (58Km/h)

Sida muuqata Deeradu way ka orod badantahay Libaaxa, haddana mar waliba oo uu eryado si fudud ayuu ku ugaarsadaa.

Haddaba waa maxay sababtu? Taas waxaa u wacan labo arrin oo isbiirsaday:

❶ Libaaxa oo ah noole aaminsan awoodda Alle siiyay, aanna ka laba-labeyn kana rumeeya go’aanadiisa.

❷ Deerada oo iyadoo isbarbardhigeysa awooddeeda iyo tan Libaaxa, fikir xun ka qaadatay nafsaddeeda, aamintay in aysan Libaaxa ka fakan karin.

Sidaa aawadeed marwaliba dib ayay soo eegtaa si ay u fiiriso in uu Libaaxu qaban rabo iyo in kale, dib-eegistaasi wuxuu dhimayaa xawaaraheda, wuxuna Libaaxa u suuragelinayaa in uu qabto Deerada.

Haddeysan Deeradu gadaal eegin, Libaaxa uma suura gasheen in si fudud u ugaarsado.

Haddaba sheekadaani maxay inna bareysaa?

❶ Garo oo ka faa’ideyso awoodaha uu Alle ku siiyay.

❷ Dib ha u milicsan oo iska halmaam maalmihii madoobaa ee kusoo maray, hana ka warwarin waxa soo socda Mustaqbalka.

❸ Haka laba-labeyn go’aannada aad qaadato, lana tasho Alle iyo Axsaabta aad ku kalsoontahay.

❹ Si aadan u yasin naftaada, noloshaada ha u barbar-dhigin nolosha dadka kaa sareeya, ogoowna in aad ka nolol ficantahay malaayiin qof.

Xigasho: Hussain Sabrie

Hadalsame Media

Facebook Comments