(Muqdisho) 16 Juun 2018 – Waxaa maanta magaalada Muqdisho yimid Raysal Wasaaraha cusub ee Itoobiya Dr Abiy Ahmed oo ay dad badani ku tilmaamayaan nin isbeddel doon ah, balse dad badan baa arrintaa dood ka qaba.
PM Abiy Ahmed just landed at #Aden Abdulle Airport on his first offical visit to #Somalia. H.E Abiy’s visit is a testimony to the growing cooperation and strong commitment to bilateral ties between countries of the horn. pic.twitter.com/tsl7w5ipft
— Villa Somalia (@TheVillaSomalia) June 16, 2018
In erayo falsafadeed lagu wada hadlo kaddibna dhabarka la iska dhibaaxo oo la isu dhoolla caddeeyo iyadoo kaamirada la eegayo waa caqliyadda diblomaasiyadda soo jireenka ah ee duugoowdey, balse micne badan malaha isbeddel buuranna abid ma keenin.
“Breaking: #Somalia’s President @M_Farmaajo welcomes #Ethiopia’s Prime Minister #AbiyAhmed Ali at #Mogadishu airport and the two leaders headed to the presidential palace.” @HornDiplomat pic.twitter.com/W6QQHhRsUL
— Addis Standard (@addisstandard) June 16, 2018
Tusaale ahaan, sanad kasta waxaa go’a biyaha webiga Shabeelle, waxaa sidoo kale biya yareeya midka Jubba, balse weli ma jirto mana arag madaxda Soomaaliya oo arrintaa ka hadlaya, mana muuqato istaraatijiyad Somalia arrintaa uga degsan, waxaan meesha ka marnayn fara-gelinta ay Itoobiya ku hayso arrimaha gudaha dalka, iyadoo gaartey heer ay saami ku sheegato deked Soomaaliyeed, weliba qaab sharci darro ah, waxaa sidoo kale dalka ka jooga ciidamo AMISOM kusoo galay xoog iyo muruq, lkn dano iyaga u gaar ah fuliya, sida iyaga oo marna qabsada marna ka baxa degmooyin iyo degaanno kala duwan, taasoo aad u wiiqda amaankii ay sheegeen inay Somalia ka caawinayaan.
Si taxaddar leh halloo eego wejiga cusub ee Itoobiya inuu runtii yahay weji cusub iyo inuu yahay saan-tirasho iyo sogor-dihid ay ka dambayso lug gooyo iyo dibin-daabyo ka xun middii hore ee neefka la qalayay middiyahana la qarinayay.
Dal kasta wuxuu leeyahay dan qoowmi ah oo waannagii arkaynay sidii uu Siisii u dhaarinayay Dr Abiy, sidaa darteed, waa in ay madaxda Soomaaliyeed arrintaa sida ay u fahmaan uguna dadaalaan.
Qore: Maxamed Xaaji
Hadalsame Media
