Dalkee lagu qaban doonaa isku aadka wareegga koowaad ee EFL Cup xilli ciyaareedka soo socda?

0
(Ho Chi Minh) 11 Juun 2018 – Xiriirka EFL ayaa xaqiijiyey in Waddanka Vietnam lagu qaban doono isku aadka wareegga koowaad ee tartanka EFL Cup-ka xilli ciyaareedka soo socda.
 
Tani waxa ay ka dhigan tahay in sanadkii labaad oo xiriir ah dhacdadaan lagu qabanayo Bariga fog, kaddib markii xilli ciyaareedkii la soo dhaafay isku aadyada wareegga koowaad iyo kan saddexaad ee tartankan lagu kala qabtay Waddamada Thailand iyo China.
 
Waxaa isku aadka EFL Cup sanadkaan lagu qaban doonaa Jimcaha Magaalada Ho Chi Minh, ciyaartoydii hore ee tartankan ku guuleystay ee Steve McManaman, Louis Saha iyo Dennis Wise ayaa ka qeyb qaadanaya isku aadkan.
 
Todobatan kooxood ayaa loo sameyn doonaa isku aadka EFL Cup, waxaana la ciyaari doonaa todobaadka koowaad ee 13-ka bisha Agoosto.
 
West Bromwich Albion ayaa ku jirta kooxaha isku aadkan loo qabanayo, halka kooxaha ku cusub Championship-ka ee Stoke City iyo Swansea City ayaa tartankan kaga soo biiri doona wareegga labaad si la mid ah kooxaha Premier League ee aan ka qeyb qaadan doonin tartammada Yurub.
 
Kooxda Manchester City ayaa difaacanaysa EFL Cup oo ku guuleystay tartankan bishii Febraayo markii ay garoonka Wembley ku garaacday kulankii Final-ka naadiga Arsenal.
 

Hadalsame Media

Facebook Comments