(Juba) 02 Nof 2018 – Madaxwaynaha Uganda ee Yuweri K Museveni oo ka mid ahaa madaxdii ka qayb gashay munaasabaddii loogu xafladaynayay heshiiskii ay horay u gaareen madaxwaynaha South Sudan Salva Kiir iyo Riek Machar ayaa tusaale xun ahaan usoo qaatay Somalia.
Wuxuu bartiisa Twitter kusoo qoray sidatan: ”Shisheeyuhu waxay doonayeen in ay South Sudan noqoto meel maran sida Libya iyo Somalia, waxaan u mahad naqayaa Riek Machar iyo madaxwayne Salva Kiir oo taa diidey nabadna doortay. Waxaan u ballan qaadayaa taageerada Uganda, maaddaama aannu aad u quud darraynayno xoojinta geddi socodkan nabadeed.”
Foreigners wanted South Sudan to become a vacuum like Libya and Somalia, I thank Riek Machar and President Salva Kiir for rejecting them and choosing peace. I pledge support from Uganda as we look forward to the concretisation of this peace process. pic.twitter.com/zPCezaUPgP
— Yoweri K Museveni (@KagutaMuseveni) 1 november 2018
Waloow aysan beentiiba ahayn in Somalia meel cidlo ah looga tegey kaddib markii ay gashay dagaal sokeeye oo bilaa micne ahaa ilaa haddana ay caqli darradii socoto, misna dad badan ayaa rumaysan in diblomaasi ahaan aysan qurux badnayn in tusaalahan lasoo qaato, gaar ahaan, xilli ay Somalia kasoo kabanayso jabkaa gaarey, weliba ay Uganda ka mid tahay dalalka ay ciidamadu ka joogaan dalka.
Hadalsame Media
