(Roma) 06 Juun 2018 – Waaxda Ciyaaraha Guud ugu qaybsan Saudi Arabia ayaa xaqiijisay inuu dalkaasi martigelinayo dufcadda soo aaddan ee Supercoppa Italiana oo dhexmaraysa Juventus iyo AC Milan inta u dhaxaysa 12-16 Jannaayo 2019.
Hay’adda General Sports Authority (GSA) ayaa warkan ku xaqiijisay koontada ay ku leedahay Twitter-ka, iyadoo ay la yaab lahayd inay ku tilmaameen ‘Serie A Final’ halkii ay ahayd Supercoppa oo aalaaba u dhaxaysa kooxaha kala haysta Scudetto iyo Coppa Italia, balse markan ay socoto Milan oo kaalinta 2-aad ka gashay Koobka Talyaaniga.
La #Supercoppa italiana si giocherà in Arabia Saudita tra il 12 e il 16 gennaio 2019. L’accordo prevede la trasferta in Arabia per tre delle prossime cinque edizioni
— Giovanni Capuano (@capuanogio) 6 juni 2018
Heshiiska dhexmaray Saudi Arabia iyo Lega Serie A is ayaa ku kacaya €7m, kaasoo ay min 45 boqolkiiba oo ka dhigan 3.15 milyan oo euro ay kala qaadanayaan labada kooxood ee Juve iyo Milan halka 10% ay qaadanayso hay’adda Lega.
Waa markii 10-aad ee koobkan lagu ciyaaro dibedda Talyaaniga, iyadoo horay loogusoo dheeley Washington 1993, Tripoli 2002, New York 2003, Beijing 3-dii dufcadood 2009, 2011 e 2012, Dooxa laba jeer (2014 iyo 2016) iyo Shanghai 2015.
The chairman of the GSA, his excellency Turki Al-Shiekh signs a contract with the CEO of Serie A, Mr. Marco Brunelli which gives the right to the Kingdom of Saudi Arabia to host the final of the Serie A between Juventus F.C. and A.C.Milan pic.twitter.com/X4rTN5E5CW
— General Sports Authority (@gsaksa_en) 6 juni 2018
Hadalsame Media
