BURBURKA ANSHAXA: Dib u dhiska dal burburay waxaa ka daran dib u dhiska dad burburay!

0
506

(Hadalsame) 06 Juun 2018 – Maalmo kadib markii uu dhamaaday dagaalkii Labaad ee Adduunka ayaa waxaa dhacday in dad tuban xarun Tareenka laga raaco kuna taallo wadanka Jarmalka uu Qalalaaso ama Rabshad ka dhex sameeyay Nin diiday inuu safka ka istaago meesha ku habboon taasi oo dhalisay buuq fara badan oo sababi gaaray Gacan ka hadal, haddaba mid kamid ah Dumarkii goobta joogay ee Tareenka sugeeysay ayaa inta Ninkii soo Qabatay si gooni ah ula hadashay kuna tiri –

Walaalkeyga qaaliga ahow waxaan dhibaato aad u baaxad weyn kala kulanay oo ku khasaarnay dagaalkii, waxaan burburinay Magaalooyinkeenii, waxaa dhintay dadkeenii gaar ahaan Dhalinyaradeenii, waxaa la kufsaday dumarkeena gaar ahaan Gabdhaheenii, laakiin ma dhumin anshaxeena, waana midka keliya ee aan Maanta dib ugu dhisi karno wadankeena ee ku laabo booskii aad ka timid,dabeedna ninkii hadalkii haweenayda ay reer Jarmalka isla ahaayeen ayaa aad u sameeyay qalbigiisa waana ka yeelay codsigeedii.

Dhacdadaa waxa ay ina bareysaa in wadan kasta oo ku yaalla Shanta Qaaradood ee Adduunka uu soo maray dagaallo Caalami ah iyo mid sokeeye intaba balse ummadaha badankood ay ku dadaaleen in marna aysan anshaxa iyo dhaqankooda ka tagin (Soomaali ahaan inagu meel inoo fayow ma leh dhinac kasta waan ka bur burnay)

Dadyowga dunida dhibaato kasta oo ka dhex dhacday halgan adag kadib waa ay heshiiyeen iskana ilaaween waxii hore ee dhacay iyagoo ku dadaalay in ay ka tashadaan aayaha ay waqtigaasi ku sugan yihiin.

Haddaba marka laga hadlaayo dagaalada Qaraar ee xalka laga gaaray waxaa tusaale loo soo Qaataa derbigii Berlin ee kala Qeybin Jiray Jarmalka oo ugu danbeyn la dumiyay dadkiisana ay Gacmaha is Qabsadeen taasi oo muddo gaaban kadib u sahashay in Jarmalka uu kamid noqdo Quwadaha ugu sarreeyo Adduunka dhan kastaba sida waxbarashada, Caafimaadka, Militariga, Ganacsiga, Warshadaha iyo Tiknoolojiyadda.

Ka Soomaali ahaan, waxaan dhibaatooyin dagaal iyo Dowlad la’aan ku jirnaa Muddo ku siman 27 sano, maxaa inoo diidan inaan iska Qabano midka khaldan si loo helo Mujtamac mideeysan oo ka tashado arrimahooda una dhaqaaqo in ay Nabadda Gacantooda ku soo celiyaan iyadoo danta guud laga eegaayo?

Fadlan Walaal adigoo Mahadsan Share dheh oo la wadaag walaalaha kale si ay u aqriyaan qoraalkan.

Qalinkii: Abdiqani Gaarane Barre (Dufle).

 

Hadalsame Media

Facebook Comments